Lucia Parolini (*1999) davo avair fat il bachelor in scienzas da film e rumantsch a l’università da Turich, fa ella actualmaing il bachelor Film a la Scoul’Ota d’Art, ZHDK a Turich. Dasper seis stüdi lavura ella sco schurnalista pro Radiotelevisiun Svizra Rumantscha. Inplü ha ella lavurà per progets da films gronds e pitschens, films da ficziun e films documentars. Pro la seria „Davos 1917“ ha ella lavurà l’inviern 2022/23 sco assistenta da redschia. Insembel e cun ün seguond assistent d'eiran els responsabels per tuot ils statists e las statistas per quai chi’d es gnü filmà in Svizra. Pro’l film „I Giacometti“ ha ella sustgnü la producziun pro filmadas a Paris ed in Bergiaglia sco assistenta dal hom da camera e da la redschia. Pro’l film documentar „Bondo - catastrofa e reconstrucziun“ sarà ella pro la filmada da stà 2025 responsabla per la camera e las registraziuns da tun.

Romedi Parolini es student a Turich. Fingià da pitschen s’interessaiva el per maschinas, amaiva da tillas tour ourdaglioter e minchatant reconstruiva el ellas darcheu. Pro differentas producziuns da film ha el lavurà sco assistent da sia mimma (filmlocationscout). El es fascinà da svoular cun dronas ed uschè es el gnü incumbensà da filmar culla drona per producziuns da films documentars. (I Giacometti, Sainza sturnizi, Nos Chastè, Die Kulturbauten von Bondo).

„Prächtige Drohnenaufnahmen“ Bettina Gugger, Kutur-Newsletter cültür #21